युद्धप्रसाद मिश्र – हाम्रो भैंसी बूबू दिन्छ (नेपाली बाल कविता)
कहिले खेल्दछ पानीभित्र
कहिले चर्दछ उता चौरतिर
गोठभित्र गई सुत्दछ राती
हाम्रो भैंसी कस्तो जाती
यसकै गोवर बोकी बोकी
दिन्छिन् आमा मकै फलाई
यसकै गूँइठाबाट उज्यालो
पार्छिन् घरमा बत्ती बलाई
हाम्रो भैंसी बूबू दिन्छ
बूबू चाहिँ अरुले किन्छ
अनिपछि ढिंडो निस्तै हुन्छ
बहिनी रुन्छे भाइ रुन्छ
(बालकोसेली वर्ष ३ अंक ९, २०४४ असोज १५)