युद्धप्रसाद मिश्र – मिर्मिरे भो उज्यालो
आयो क्रान्ति जनहृदयको पूर्ण दैलो उघारी
पर्ने भो यो धरतितलमा वर्गसंघर्ष भारी
लागेका छन् द्रूत कदम भै एकतातर्फसारा
जागेका छन् सजग युगका जोशिला र्सवहारा
ब्युँझेका छन् असह हुन् गै भित्रका दर्द ताता
उम्लेका छन् रगत मनका आहुति बन्न राता
बर्खे खोला सरह हुन गै उर्लिएका समाज
वैरी१ माथि नगरि हमला बस्न सक्तैन आज
भोको नांगो झुपडिबीचको क्षुब्ध कंकाल जाग्यो
तिर्खा चर्को सहन नसकी देशले खून माग्यो
तम्सेका छन् सक्रिय खुकुरी खड्ग तर्वार भाला
प्युँने हाम्रो रगत मुटुको त्यो कहाँ उम्कि जाला
राखी मनमा जनप्रगतिको लक्ष्य यौटा महान्
आत्मादेखी दिन युवक छन् देशको निम्ति ज्यान
गर्दै जाँदै सब प्रतिकक्रियावादीको रुप कालो
यो पैलेको तिमीर बीचमा२ मिर्मरे भो उज्यालो
(मिर्मिरे तेस्रो झुल्का ०३७)
१.शत्रु
२.बीचको