नेपाली कविता को बिशाल संग्रह
प्रकाश सापकोटा – जसै तिम्रो हृदयको (गजल)
जसै तिम्रो हृदयको आकार बदलियो
सोच्यौ होला तिमीले यो संसार बदलियो
सम्झन्छु नानाथरिका कसम, किरिया ती
हो, छैन फाइदा अब जो पत्यार बदलियो
गाउँछु, गाउँछु नि जिन्दगीको गीत अझै
त्यो अर्कै कुरा हो, सहसा झन्कार बदलियो
जिउँछु जिन्दगि, सकार्छु भोगाई अनौठा
फरक यत्ति हो, जिउने आधार बदलियो
– ट्रोम्सो, नर्वे (05.11.2012)
प्रकाश सापकोटा – किन भो आगोको उत्पत्ति ??
किन भो मान्छे ?
किन भो आगोको उत्पत्ति ??
त्यतिबेला
मानव-मानव मिलेर
जितको अभिप्राय- हारको स्वीकार्य
बाँडीचुँडी
अर्थपूर्ण भोकका खातिर
ढुंगामा ढुंगा घोटेर
चट्टानमा Continue reading “Prakash Sapkota – Kina Bho Aago Ko Utpatti”
प्रकाश सापकोटा – गरौंला स्वागतको तयारी हजूर (गजल)
गरौंला स्वागतको तयारी हजूर
कहिले हुने हो सवारी हजूर
ध्वजाले सजाउँला यो मनको मझेरी
फूलबुट्टे गलैंचा पसारी हजूर
नबोली नबोली चलेको चल्यै छ
आँखा र आँखाको जुवारी हजूर
के नाता लगाउनु दोधारै दोधारमा
बनौ कि पियारा-पियारी हजूर
मुसुक्क हाँसे त बस्थें म कुरेर
दिलैको ढक्कन उघारी हजूर
प्रकाश सापकोटा – आफ़न्तले आफ़न्तकै (गजल)
आफ़न्तले आफ़न्तकै ख़ुशीहरू खोस्न थाले
मायालुले मायालुलाई जिउँदै आगो झोस्न थाले
नठोसी त अगुल्टो नि बल्दैन भन्छन तर
अगेनूमा नठोसेर आँङ्गतिरै ठोस्न थाले
नाता-गोता, इष्टमित्र मर्दा, पर्दा काम लाग्थे
के ज़माना आयो यस्तो, तिनैले पो सोस्न थाले
धरोधर्म पाल्छु भनी कसम खाने खसमले
घरकीलाई निकालेर अर्कीलाई पोस्न थाले
(देशमा ब्याप्त हिंसाबिरुद्ध ऎक्यबद्धाता !)
– शुक्रबार, ११ जनवरी, २०१३ (ट्रोम्सो, नर्वे)