प्रकाश सापकोटा – आफ़न्तले आफ़न्तकै (गजल)
आफ़न्तले आफ़न्तकै ख़ुशीहरू खोस्न थाले
मायालुले मायालुलाई जिउँदै आगो झोस्न थाले
नठोसी त अगुल्टो नि बल्दैन भन्छन तर
अगेनूमा नठोसेर आँङ्गतिरै ठोस्न थाले
नाता-गोता, इष्टमित्र मर्दा, पर्दा काम लाग्थे
के ज़माना आयो यस्तो, तिनैले पो सोस्न थाले
धरोधर्म पाल्छु भनी कसम खाने खसमले
घरकीलाई निकालेर अर्कीलाई पोस्न थाले
(देशमा ब्याप्त हिंसाबिरुद्ध ऎक्यबद्धाता !)
– शुक्रबार, ११ जनवरी, २०१३ (ट्रोम्सो, नर्वे)