Sharan Aansu – Malai Maaf Gara Hai Meri Kabita

शरण आँसु – मलाई माफ गर है मेरी कविता

-मलाई माफ गर है
मेरी कविता !

-म सिसिफस’
जिन्दगी उकालो हिंड्दै छु
देउताहरूको श्रापले!
उकालो तल झर्दैछ –
ओझेल पारेर अस्तित्व
शुन्यतामा !

-देहातमा,
राप्ती नदीको किनारमा,
गाम बेसीमा र
सिरान डाँडाको हिउँमा
कविता बिम्ब पाइला
युगीन दु:खको राष्ट्रिय चिन्ह
मेटिइरहेछ !
आफ्नो अस्तित्व खोज्दै म
आफ्नै जिन्दगी
चपाइरहेछु !
युगौं देखिको
पहाड मन
अस्तित्व यात्रामा
उभिइरहेछ !
उस्तै रङ , उस्तै परिवेश
उस्तै मनको कोलाजमा पोतिंदा
चर्को घाम झैं
त्यो प्रेमिल तुष्टिको जब्बर आँखाले
तिमीलाई म कहिल्यै
हेर्न सक्तिन !

– मैले बाँच्नुका
सीमानाहरू छन्
मैले हाँस्नुका
सीमानाहरू छन्
तिमी त सीमानापारि छ्यौ
र त
तिम्रो सम्झनाको
असीमित रापले
सधैं सधैं
पग्ली रहेछु – नौनी झैं !
तर
मनकै कुलेसोबाट म बग्न सक्तिन
मलाई माफ गर है
मेरी कविता …
तिम्रो अधरको भिरबाट
म यो धर्तीमा खस्न सक्तिन !

– गणीतिय सूत्रहरूले
मनको अस्तित्व
सावित गर्दैनन्
त्यसैले त
प्रतीक्षारत मनको
साविती वयान दिंदै
समय यन्त्र घन्टाघर
सम्झनाहरूमा बजिरहन्छ !
खोल्सो बनेर जिन्दगी
अस्तित्व यात्रा
बगिरहन्छ !

-सिमलको भुवा
मन उडेको देखिनौ र ?
ढुंगा होइन- मन
आँखाहरूको धारलाई
मनले उद्’याउन सक्तिन-म !
मलाई माफ गर है
मेरी कविता …
म एउटा कवि
अनागरिक सिसिफस
तिम्रो प्रियतम
स्वर्गको उकालो चढ्दैछु
अन्तरिक्षमा !

Baidhyanath Upadhyaya – Sangharsha Gatha

वैद्यनाथ उपाध्याय – संघर्ष गाथा

निर्जन पाहाडको भीरमा
आफ्ना जिजीविषाहरूलाई
चट्टानको शुष्क छातीमा
विनाशको विकरालताभित्र
क्षणिकनै भए पनि
जीवनको जयघोष गर्दै
आकाश लम्किरहेका वृक्षहरू
अरू केही हैन
त्यो मेरै जीवनको संघर्ष गाथा हो।

Kailash Shikhar – Ek Juwan Banki Ghaam Ma

Poet Kailash Shikhar

कैलाश शिखर – एक जूवां बाकि घाम म

मेरो
एऊटा थोत्रो जिन्दगी
एऊटा पुरानो जिन्दगी
जस्लाई आफ्नै प्रत्येक निस्कृयताले
गिज्याई रहेछ।

आज म संग
हिजो जस्तो आफ्नो सम्पूर्णता छैन।
आज म संग मेरो विगत Continue reading “Kailash Shikhar – Ek Juwan Banki Ghaam Ma”

Nischal Regmi – Sakshi

निश्चल रेग्मी – साक्षी

कहीँ बिलाए मृदु भाव मेरा
कस्तो बगाऊँ अब गीत धारा ?

डुलें जगतमा कविता म खोज्दै
पीडा खुशीका रस रङ्ग रोज्दै
बर्सेन यौटै पनि शब्द ओहो !
के ले सजाऊँ अब तानपूरा ?
कस्तो बगाऊँ Continue reading “Nischal Regmi – Sakshi”

Biwash Pokhrel – Arajak Sahar Ma

विवश पोखरेल – अराजक सहरमा

सपनाको रङ्गीन घुम्टो ओढेर
अराजक यो सहरमा
प्रतीक्षाका आतुर मन ओछ््रयाउँदै
धमिला आँखामा मान्छेहरू खोजिरहेछन्
जीवनको उज्यालो रङ
खोजिरहेछन्
अप्रत्यासित ओठबाट अपहरित मुस्कान Continue reading “Biwash Pokhrel – Arajak Sahar Ma”

Sudarshon Sapkota – Hera

सुदर्शन सापकोटा – हेर!

न म देबता हुँ न त दानब हुँ।
कर्मलाई धर्म ठान्ने म त मानब हुँ।
न म हिरा हुँ न त मोति हँ।
तिम्रो दुःखको साथी म त भोकाको रोटि हुँ।
न म धनि हुँ न त गरिब हुँ।
तिमि सम्झमात्र म Continue reading “Sudarshon Sapkota – Hera”

Diyesh Ratna Shakya – Rajmarg Ma Ubhiyera

दियेश रत्न शाक्य – राजमार्गमा उभिएर

उनी धर्ती हून्
अलिकति ढलान
अलिकति अलकत्राले छोपेर
फेरिन सक्दैन
आमा मनले भरिएको उनको कोमल छाती
जहाँ आनन्दलय समातेर
गुडिरहेछन् सवारी वाहनहरू
बोक्दै गन्तव्य -रसपानका यात्रुमनहरू

सडकको नाउँमा
उ साझा आँगन हो
समावेशी पात्रहरूको खुल्ला नाट्यशाला जस्तो
सम्मान थाप्न नायकहरू
आउने बाटो यही हो
अपमान छल्न खलनायकहरू
भाग्ने बाटो यही हो
खर्पनभरि तरकारी र जुजुधौको
बिहानी साइत बोकेर
सहर पस्दै गरेका किसानहरू
झोलाभरि भविष्यको नक्सा बोकेर
स्कुल लाग्दै गरेका नानीहरू
सबैले नाप्ने बाटो यही हो

हो यहीं भेटिन्छन्
भिक्षाटन हात फिंजाउँदै
बिरहको सारङ्गी बजाउनेहरू
मर्निङ वाक वा म्याराथनका
स्वस्थ पदचापहरू
बधाई टोप जस्तै पड्किरहेका
फौजी जवानका हिंडाइहरू
बिना कुनै सर्भिस चार्ज
चाउचाउ ,जुस र मिनरल वाटर
पस्किरहेका सडकछाप वेटर/वेट्रेसहरू
लिपस्टिक र आँखीभौ झैं खुलिरहेका
सेता,पहेंला र जेब्रा क्रसिङ्का धर्साहरू
किन हो यसलाई मेट्ने
उदण्ड प्रयास गरिरहेछन्
एउटा बेमौसमी जुलुस

उ साक्षी हो
इतिहास उन्ने
प्रत्येक घटनाहरूको
प्रत्येक दुर्घटनाहरूको
र उसले साँचिराखेको छ
सडकभरिको
सीमान्तकृत /बहिष्कृत/बलात्कृत आवाज
उ पुर्‍याउन चाहन्छ यसलाई
सर्वोच्च मुकामसम्म
लोड गर्दै कुनै हुलाकी गाडीमा
तर अफसोच
उनीकहाँ आइपुग्छ केवल
कुनै महानगरबाट दया गरेर पठाइएको
फोहोरको कन्टेनर
र उनका सूचनाका भण्डारणहरू
सदरमुकाम होइन
फोहोरसंगै डम्पिङ साइट पुगेर पुरिन्छ

बस् एउटा सम्बन्ध
घटना र सुचनाबीच टुट्छ
घटना र इतिहासबीच टुट्छ
घटना र न्यायबीच टुट्छ

Basudev Pulami – Desh Ra Kira

बासुदेव पुलामी – देश र किरा

देशको मानचित्र जस्तै छ
उसको नाङ्गो करङसितको छात्ती।

सर्व शिक्षा अभियानको
घोटालाले पिल्सिएको छ उसको जीवनको साउँअक्षरहरू
त्यसैले उसले कहिले जानेन
अ वर्णमालाबाट अधिकार
र आ वर्णमालाबाट आरक्षण बोल्नु।

स्कुल, ऱ्याम्स, सुग्घर लुगाफाटा र घेघेरानीहरू
उहिल्यै नै फ्याक्ट्री र कारखानाहरूले चोरेर लगिदिएको हो
जीवनमा कहिल्यै नफर्काउने गरी।

भोक, तिर्खा र पसिनाले लेख्छ उसले
देशको स्वादिलो तलतल
त्यसै स्वादमा जिब्रो पढकाएर खान्छ देशले खैनी
उसकै रगतको अलिकति चुना दलेर।

ढुङा, रोडा र बालुवामाथि
घस्रिरहेको त्यो नाङ्गो सिगानेकिरा लाग्छ देशलाई त्यसको रूप
तर त्यो रूपबाट देखिने देशको
प्रतिबिम्बलाई हेर्ने राष्ट्रपतिकोमा चस्मा छैन।

Kiran Budhathoki – Chirantan

किरण बुढाथोकी – चिरन्तन

म छँदै छु
घोप्टिए पनि,
झरे पनि,
मासिए पनि,
नाशिए पनि,
या डुबे पनि,
चाहे जे भएपनि
मत छु-छु।

शरीरको धोक्रोमा
अक्सिजन जमाई,
एउटा पोकोमा
अलिकति रगत पोको पारी
हिडिरहेको,
वास्तविक म होइन
नत म
गिदी जिब्राको दास हुं
न भोगी हुं
न रोगी हुं
नत योगी नै हुं
अँह,
ब्यर्थको अहंकार पालीहिड्ने
ढोंगी त म हुंदै होइन
म यस्ता कुराले छुइन्न।

न खोलाजस्तै बग्छु
न समुद्र भेट्न तम्सन्छु,
हुन त म तिमीजस्तै देखिन्छु
तर म तिमी होइन
च्यातिए पनि
टुक्रिए पनि
मत म नै हुं र रहन्छु
यो ब्रह्माण्डमा
बनेर एक
चिरन्तन कण।

Sumit Adhikari – Naitikata Ko Malami

सुमित अधिकारि – नैतिकताको मलामि

मुल्यको बिष्फ़ोट हुदैछ यहाँ
पड्किँदैछ मान्यता छिन छिनमा
रमाउदैछन पिचाशहरु खित्का छाडि
नैतिकताको मलामिमा
हिजो अराजकताको भतेर थियो रे
अनुशासनको मुन्टो काटिएकोमा
उच्श्रिङ्खलता Continue reading “Sumit Adhikari – Naitikata Ko Malami”

Baidyanath Upadhyaya – Ma Waakarudhha Bhayeko Chhu

वैद्यनाथ उपाध्याय – म वाकरूद्ध भएको छु

मान्छे
भनिरहेछ एकथोक
गरिरहेछ अर्कैथोक
उ जे भनिरहेछ
त्यो अर्थ बुझाउन
आज शब्दहरू अक्षम छन।

उस्को भन्नुमा
गर्नुमा
र हाम्रो बुझ्नुमा
जुन फासला छ
अब त्यो Continue reading “Baidyanath Upadhyaya – Ma Waakarudhha Bhayeko Chhu”

Digesh Raut – Mriga Tirsana

दिगेश राउत – म्रिगतिर्सना

मैले चहेको अनी मैले पाएको
मैले गाएको अनी मैले बोलेको
मैले लुकाएको अनी मैले खोलेको
आखिरमा चाहाना, गाना र तिर्सना।

मैले जनेको अनी मैले बुझेको
मैले सोचेको अनी मिलेको
मैले Continue reading “Digesh Raut – Mriga Tirsana”

ViBid Rose – Kabita Ke Ho?

कविता के हो ?

कविता के हो ?
अभिब्यक्ति हो भावनाको । पूजा हो सुन्दरताको ।
नृत्य हो लयको । चित्रण हो कल्पनाको ।
कविता पुत्री हो । कविता जननी हो ।
बन्धन हो नियमको । विद्रोह पनि हो ।
कविता चाहना हो । कविता बेदना हो ।
विश्वास र मूल्य हो । आदर्श र प्रेरणा हो ।
साधन हो कविता । कविता साध्य हो ।
मजाक हो कविता । कविता साधना हो ।
त्याग हो कविता । कविता प्राप्ती हो ।
निर्वाण हो कविता । कविता अशान्ती हो ।
कविता लोक हो, कविता परलोक हो ।
कविता तृप्ती हो, कविता भोक हो ।
केही होइन कविता ।
कविता सबथोक हो ।

Keshav Sigdel – Sahar, Anuhar Ra Sapana

केशव सिग्देल – सहर, अनुहार र सपना

यो सहरको
आफ्नो छुट्टै अनुहार छैन;
अनगिन्ती थान फरक अनुहारहरू पोतिँदै जाँदा
प्रत्येक पल्ट यो सहर नयाँ अनुहार फेर्दै जान्छ ।
यो सहरको
आफ्नो छुट्टै सपना छैन;
सहरमा Continue reading “Keshav Sigdel – Sahar, Anuhar Ra Sapana”

Gopal Kawali – Hiun Le Bhijai Anga

गोपाल कवाली – हिउँले भिजाई अंग

हिउँले भिजाई अंग, बाल खोल्दै बोलाई रह्यौ
जानी जानी हात तानी, मात घोल्दै बोलाई रह्यौ

चिस्यान यस्तो बरफमाथि, आगो जम्छ घरि घरि
छिन्केर बैंशको आँटो,रस मोल्दै बोलाई रह्यौ

पारिजात छरेर आँगन, सेताम्मे फूल मन्जरी
सोड़षी तरुनी जस्तो, पलक डोल्दै बोलाई रह्यौ

रुखका पात छन् सेता, यत्र तत्र सफेद छ
बर्फिलो अँगेनो भित्र, रुप पोल्दै बोलाई रह्यौ

‘जुलियन’ यसरि मस्त, मग्न पार्ने जवानहरु
स्वाश रोक्दै ओठ टोक्दै,प्याट्ट चल्दै बोलाई रह्यौ

घाँटी सुकी छाती दुखि, ज्वरो आई लडे पनि
फुराएर लसुन-मेथी, तेल दल्दै बोलाई रह्यौ

अफगानिस्तान,२५/०१/२०१३

Diyesh Ratna Shakya – Nakhane Manchhe

दियेश रत्न शाक्य – नखाने मान्छे

म भन्छु
यो दुनियाँमा मान्छेका
मात्र दुई जात छन्
खाने र नखाने
खाने याने भरपेट खाने
नखाने याने भरपेट नखाने

खानेहरू जब
यो जमिनले उमार्ने/नउमार्ने
सबैथोक पचाउन समर्थ हुन्छन्
तब सोच्ने गर्छन्
यो दुनियाँको भएभरको उर्जा
उनीहरूसंग छ
यसैले उनीहरू अधिपति हुन्
यो नयाँ समयको
जसको सापेक्षतामा
खान नसक्ने/भरपेट खान नसक्ने
अक्षमहरू
ताकतबिहिनहरू
पछाडि धकेलिनु
वा न्यायबिहिन हुनु कुनै अनौठो हुँदैन

म देख्दैछु
एउटा नखाने मान्छे
मेरो देशमा
धेरै अघिदेखि चलेको
यो प्रचलन विरुद्ध
उभिंदैछ
र धावा बोल्दैछ
कि नखाएर पनि
स्वार्थको/शक्तिको स्वनामधन्य सत्ता
हल्लाउने ताकत
उमार्न सकिन्छ
उफार्न सकिन्छ

म यो के अचम्म देख्दैछु
राष्ट्रिय सुबिधा भोगेर
हुनेखाने बनेका महानायकहरू
कस्तरी त्रसित बनेका छन्
कस्तरी कम्पित बनेका छन्
यो नखाने मान्छेको
‘मसिनु ‘ताकत अगाडि
‘मसिनु’साहस अगाडि
‘मसिनु’आवाज अगाडि
जस्तो कि उनीहरुले देखिरहेका छ्न्
एउटा निराहार
एउटा परिशुद्ध मनमा
धेरै सफा मनहरूबाट
हुलका हुल उर्जा
स्थानान्तरण भइरहेको छ
सन्चित भइरहेको छ

ओ! सामाजिक न्यायलाई
आफ्नो औंलामा नचाउनेहरू हो
सुन ,कान खोलेर सुन
अब तिम्रो
शक्तिको वजन
ऐयासीको आयतन
घटुवा हुने दिन आएको छ
तिमीले हुर्काएका बेथितिहरू
सर्लप्पै बढार्ने दिन आएको छ
त्यसको
अगुवाइकोलागि
अभियानकोलागि
आफ्नो जीवन धरापमा राखेर
अगाडी उभिएको छ
नखाने मान्छे
बिल्कुल केही नखाने मान्छे

बनेपा,
९८५११५३५३५
९८४००६१४१०,

Bhimnidhi Tiwari – Aakhir Sab Ho Maato

भीमनिधि तिवारी –  आखिर सब हो माटो

आखिर सब हो माटो
श्रीपेच हुमाउ, झुत्रो टोपी, को ठूलो ? को सानो ?
पुग्नु पर्ने ठाउँ उही हो सबको उही हो बाटो

आखिर सब हो माटो
रानीले पनि राजा छोड्छन्, अनि राजाले पनि रानी
गरीबहरुको पनि यसरी नै हुन्छ एक दिन फाटो

आखिर सब हो माटो
ताश, कुचिन, मखमल अदि थोत्रा बोरा, भाङ्ग्रा हुन्
गहना गुरिया, व्याज र तक्मा केहो ? – कालो टाटो !

आखिर सब हो माटो
सारा रत्नहरु, सुन,चाँदी पत्थरका हुन् प्रतिमूर्ति
महल, झुपडीमा फरक देख्छ जो त्यही हो अंधो लाटो

आखिर सब हो माटो
तेरो मेरो मेमे तेते गर्नु भारी भ्रम हो है !
आउने जाने, जाने आउने यो संसार दोबाटो
आखिर सब हो माटो

(भीमनिधि तिवारी भजन सङ्ग्रह “बयासी भजन” बाट )

Nischal Regmi – Tunwalo Tunwalo Chha

निश्चल रेग्मी – तुवाँलो तुवाँलो छ

तुवाँलो तुवाँलो छ
देख्दिनँ केही
चिप्लो उकालो छ।

रेसम सरि मुटुमा
धारिलो आघात विगतको
धमिलो धमिलो भविष्य
चम्किलो याद विगतको
पश्चाताप ज्वलित आँखामा
अज्ञानको जालो Continue reading “Nischal Regmi – Tunwalo Tunwalo Chha”

Damodar Pudasainee – Hatice Cengiz Ko Prashna

दामोदर पुडासैनी किशोर – हातिस सेँगिजको प्रश्न

खुशीको बिशाल आकाशमा
उँडदा उँडदै
किन बनायौ उसलाई मृत्युको निशाना
अघि अघि उँडिरहेको उ
एक्कासी खसेपछि
म पो भएकिछु
सबै पँखेटा काटिएकी घाइते चरी

मरूभूमीमा जन्मिएकी म
आजसम्म कुनै हिमाल देखेकी छैन
न देखेकीछु कुनै बिशाल नदी
एउटा बिशाल सगरमाथा
भेटेंकोथिँएँ उसैभित्र
र डुल्थेँ उसकै मुटुका चुचुरा र खोल्सीहरूमा
एउटा अनन्त नाइल भेटेँथेँ
उसको मनका असिम तरँगहरूमा
र , पौडन्थें , मनका सारा भारी बिसाएर

मरूभूमीबाट निस्केको
बिशाल जून
आफ्नै खोकिलामा छ भनेर फुर्केको थिएँ
मरूभूमीको आशाको बिशाल ओएशिश
उ नै हो भनेर हुर्केकी थिएँ
तिम्रा काला कर्तुतहरू मेटाउन
किन निमोठ्यौ तिमीले उसको घाँटी
उसको अभाबमा
म पो भएकीछु अचेल
गोली लागेर रन्थनिएको
एउटा बेहोसी मृग

तिमी
तिम्रा काला नाटकहरू छोप्ने
सेता परिधानहरूमा
आँखा पर्नु हुँदैन कसैको भन्छौ
मान्छेको स्वतन्त्रतालाई
अर्को मान्छेले हडप्नु हुँदैन भन्थ्यो उ
तिमी तिम्रो बादशाहीपनको हैकम
सहिरहनुपर्छ युग युगसम्म भन्छौ
प्रत्येक मान्छेको मालिक
बन्न पाउँनुपर्छ मान्छे स्वयँ -भन्थ्यो उ

मान्छे मार्दैमा कहाँ मर्छ बिचार
किन सोचेनौ तिमीले
म तिमीसामु प्रश्न लिएर उभिएकीछु

प्रेमको रँगिन पोयो
र ,संघर्षको लखाकीमा झुण्डिएर पो
पिपिरो पलाइरहन्छ जीवनको
मेरो सपना थियो उ
मेरो जपना थियो उ
जिन्दगीको महान प्राप्ति
प्रेमकै उत्कृष्ठ नमूना थियो उ
प्रेमको बिशाल पर्खाल बनाउँन
बलियो आधारस्तम्भ बनाइरहेको बेला
एक्कासी किन खन्याइदियौ उसको शरीर
दन्दनी बलिरहेका आगाका ज्वालाहरूभित्र

संसार चलेको छ प्रेमलेनै
प्रेमकै कारण बढेका छन्
जन्म,जीवन र मृत्युका शृँखलाहरू
प्रेमकै कारण झाँगिन्छ
मान्छेको जिजीबिषा
प्रेमनै नभए
किन गर्थ्यो कसैले
क्षण क्षणमा सँघर्ष
उसको प्रेममा
मैले पाएको थिएँ
एउटा न्यानो भरोसा
र सबै मान्छेले पाएकाथिए
नयाँ ज्योतिको तरँग

तिमी ज्योति बिरोधी छौ
त्यसैले त
झुक्याएर निभायौ
एउटा बिशाल ज्योति
सम्झ
ज्योतिस्तम्भ मासेर मात्र
हराउँदैन कहिल्यै सँसारबाट उज्यालो

जानेर होस् वा नजानेर
जीवनमा एउटा सुन्दर काम गरेँथेँ मैले
कि मैले प्रेम गरेँथे सुन्दर मन भएको लेखकसँग
र ,प्रेम गरेँथेँ कालो चट्याँगसँग जुध्न सक्ने सामर्थवानसँग
तिमीले उसलाई बिष पियायौ
र,टुक्रा टुक्रा पार्यौ उसको शरीरलाई
अचेल
म पो ज्यूँदै मरिरहेछु
र,टनटनी दुखिरहेछ उ नै मेरा कोष कोषमा

उ मेरो जून थियो
मगमग बास आइरहने
एउटा कोमल फूल थियो
तिमीले झुक्याएर डँढेलो लगायौ
म पो बनिरहेछु
तातो खरानीमा होमेको माछा जस्तो

हे निर्दयी शासक
तिमीले भर्खरै
मान्छे होइन
हत्या गरेकाछौ प्रेमको

प्रेमका हत्याराहरूले
कतै पनि लुक्ने ठाउँ पाउँनेछैनन्
यो सँसारको कुनै कुनामा

-२०७५ मँसिर १ शनिबार
ग्वँग:बुँ,नयाँबसपार्क,काठमाडौ

(जमाल अहमद खसोग्गी (Jamal Ahmad Khashoggi) साउदी) अरेबीयाको मदिनामा सन् १९५८ मा जन्मेका थिए ।उनी अल अरब न्यूज च्यानलका प्रधान सँपादक र साउदी अरेबीयन पत्रिका अल वाटनका सँपादक थिए ।बिगत केही बर्षदेखि उनी अमेरिकामा बस्थे र सन् २०१७देखि अमेरिकाको प्रसिध्द पत्रिका दि वासिँगटन पोष्टमा पनि लेख्थे ।उनले डेमोक्रेशी फर अरब वर्रल्ड नामक राजनीतिक दल पनि खोलेका थिए ।साउदी अरेबीयाका राजा सलमान र राजकुमार मोहम्मद बीन सल्मानका कटु आलोचक भएका कारण पत्रकार,स्तम्भकार र लेखक खसोग्गी उनीहरूका आँखाका तारो साबित भएका थिए ।खसोग्गीको तीन पटक बिहे र तीनै पटक पारपाचुके भयो ।सन् २०१८ को शुरूमा खसोग्गीको बिदूषी हातिस सेँगिज (Hatice Cengiz)सँग भेट भयो ।उनीहरूबीच प्रगाढ प्रेम पनि भयो र बिबाह गर्ने सहमति भयो ।उनैसँग बिहे गर्ने कागजपत्र मिलाउँन २ अक्टोबर २०१८ मा खसोग्गी टर्की स्थित दुताबासमा प्रबेश गरेपछि त्यहीँ उनको हत्या गरियो ।यो कविता साहित्यकार खसोग्गी र उनकी प्रेमिका हातिस सेँगिजप्रति समर्पित छ ।)

Dipendra KC – Kasto Bihani Khoji Rahechhaun?

दीपेन्द्र के.सी. – कस्तो विहानी खोजीरहेछौं ?

बुद्धको आँगनबाट
शान्ति सिक्ने वेला
के सिकिरहेछ ? नयाँ पुस्ता !!
गुम्बाबाट सहनाई बजाएर
युद्धको घोषणा गर्दै
स्वागत गर्दछ भोलिलाई
लाग्छ ! शान्तिका पाठहरु
छापिदैनन् Continue reading “Dipendra KC – Kasto Bihani Khoji Rahechhaun?”