ईन्द्र कुमार सुनुवार – नमाग तिम्रो याद
किन आउछ मलाई तिम्रो याद्
तिमीलाई त मैले सदैभरी भुल्नु छ ?
बसन्तको हरियालिमा तिमी फुलेउ
म त शरदको उजाडमा फुल्नु छ!
तिमीबाट बिछोडिनु नै थियो भने
हाम्रो मिलन नभाकै जाती हुन्थ्यो
टुक्रीएको दिल जोड्न मिल्ने भए
मेरो दिल लगी जोडी दिए हुन्थ्यो
दिने तिमीलाई जीवनमा केही छैन
थियो केवल मुटु भरिको चोखो माया
परखाल बनी म हुरीवतास छेकिदिउला
आनन्दमा बाच आउनेछैन दु:खको छाया
जेजस्तो भए पनि म बाचेको नै छु
सम्झेर मलाई तिम्रो समय खेर नफाल
साथ नभए पनि तिम्रो याद मसग छ
बरु सारा खुशी लग तर तिम्रो याद नमाग