शरण आँसु – यहाँ देश चोर्नेहरूको स्वर ठूलो छ
यहाँ देश चोर्नेहरूको स्वर ठूलो छ
ठूलै भाग सोर्नेहरूको स्वर ठूलो छ !
ढाँटेर, ठगेर, अरुलाई मारेर भए पनि
अकूत सम्पति जोर्नेहरूको स्वर ठूलो छ !
ऋण माथि ऋण थोपर्दै जनताको टाउकोमा
तिनकै टाउको फोर्नेहरूको स्वर ठूलो छ !
वात्सल्यप्रेमको नदी बग्ने आमाको छातीमा
जंगली काँडाले कोर्नेहरूको स्वर ठूलो छ !
आवाजविहीन छ आज आस्थाको राजनीति
निमुखालाई निचोर्नेहरूको स्वर ठूलो छ