प्रतिमा के.सी. – चौबन्दी फरिया मास्दैछु (गजल)
अझै छ घाउ यो छातीभरी बिर्सनलाई हास्दैछु साथी
दुखेको देश राखेर भित्र यतै पो नाता गास्दैछु साथी
फेरियो भन्छन राष्ट्रिय पोशाक जे लाए पनि हुने रे
यहाँ त हेरी नसक्नु छ चौबन्दी फरिया मास्दैछु साथी
झगडा छ भागबन्डामा भित्र मिच्दै छन् छिमेकी सिमाना
हराउन सक्छ कुनै बेला देशको नक्सा टास्दैछु साथी
बेचिदैछ मठमन्दिर अनि श्रद्धा र भक्तिभाव पनि
जोगाउँनलाइ सस्कृति धर्म कहिले उपास्दैछु साथी
अझै छ घाउ यो छातीभरी बिर्सनलाई हास्दैछु साथी
दुखेको देश राखेर भित्र यतै पो नाता गास्दैछु साथी
२२ फेब्रुअरी २०१२
रेडिंग, बेलायत