जब म हतारमा हुन्छु
त्यो मानिसलाई
म देख्छु शहरमा
बसस्टप
कफीसप
सिनेमाहल
न्यूरोड
ठमेल
पुतलीसडक
बिहान
दिउँसो
साँझ
झरीमा
घाममा
हुस्सुमा
मानिसहरूका हूलमा
यौटा रूख
हिँडिरहेछ आफ्नै धुनमा/सुरमा/लयमा
को हो त्यो मानिस… ?
जब म हतारमा हुन्छु
त्यो मानिसलाई
म देख्छु शहरमा
आज, यो समय ?
धेरै जिज्ञासाहरू पाल्न सकिन्छ उसका बारेमा
र्
पर्यटक…?
आप्रवासी…?
गुप्तचर…?
आतङ्ककारी…?
या, सामान्य नागरिक…?
नेता ?
पत्रकार ?
चोर ?
सज्जन ?
वा, कवि ?
वस्तवमा ?
मलाई एकदम् हतार छ
सोध्नु छैन मैले उसलाई- तिमी को हौ ?
यदि मैले सोधेँ भने
उसको उत्तरसँगै?
हराउनेछ, यौटा मानिस यो शहरबाट ।