रूख
मेरो आँगनमा
एउटा नरियलको बूचो रूख छ।
अरू रूखहरू ढालदा
त्यस्का पातहरू
केही भाँचिए
केही काटिए
धेरैले भने
आँगनमा यो के राखेको?
काटि दिनु नि!
रूख काटनेहरूले पनि हेरे
अनि सल्लाह दिए
अब यो पलाउँदैन।
एक दिन मेरी पत्नीले
कोदालो ल्याएर
वरी परी खनिन
यस्लाई उखेलेर निकाल्नु पर्छ
भनिन
मैले भनें
यो त फेद बाट पलाउँदैन
किन उखेल्नु परो।
त्यस्ले केही बिगारेको छैन
किन काटिहाल्नु
मैंले सोचें।
केही दिन पछि देखें
त्यस्ले गुवा हालेछ
अब त्यो बूचो छैन
एक सग्लो रूख बन्दैछ।