सुरेन उप्रेती – स्वतन्त्रता
मैले मेरा आँखालार्इ छलेर
सुटुक्क अर्का तिर नियाँले
कानले नसुन्ने गरी
साउती गरेर भने
हेर आज म
कति स्वतन्त्र छु
यी दुवै आँखाले
मलार्इ सताउन सम्म
सताएका थिए
उनीहरुले डोर्याएको दृश्यमात्र
हेर्न विवश थिएँ
उनीहरुले मनपराएकालार्इ
राम्रो भन्नु पर्थ्यो
रमेको अभिनय गर्नु पर्थ्यो ।
यी कानले कैदी बनाएका थिए
म सम्म आउन नदिइ
भँगालो फटाएर आवाजहरुलार्इ अर्कैतिर
मोडिदिएका थिए
विना रोकटोक आवाजलार्इ
मेरो मष्तिष्क सम्म पुग्न
कहिलै दिएनन्
सोच्न र श्वरको रश्वादन गर्न
अँह कहिलै पाइन ।
मन पर्ने धुनमा रमेर
कहिलै आनन्दित बन्न पाइन
तर आज बल्ल
यिनीहरुलार्इ छक्याएर
रभणिय दृष्यको
बे रोकठोक अवलोकन गर्दै छु ।
खुल्ला आकाशमा
स्वतन्त्र उड्ने चरी झैं
वादलका थुँगाहरुमा
कावा खाँदै
आफैं हराउँदै र
भेटिंदै गर्ने रहरहरु
पूरा भएका छन्
मेरा अझै बाँच्ने जीजिबिषाहरु
बढेका छन् ।
हो रहेछ
हरेक प्राणिहरु
स्वतन्त्रता मन पराउँछन्
स्वतन्त्रताका लागि
सार्वभौमका लागि
बर्षौं युद्ध लड्नेहरुले
यसको सहि अर्थ महत्व र मर्म
राम्रो सँग बुझेको हुन्छ
त्यसैले त जीवनको पर्वाह नगरी
आफन्त र पृयजनको वास्ता नगरी
फेरि उदाउँने आशामा
निभ्न समेत पछि पर्दैनन्।
मात्र स्वतन्त्रताका लागि ।।