वासुदेव अधिकारी – अग्निस्राव र संविधान सभा
जनान्दोलनले तताएको देश
अग्निस्रावले चिसिएको छ
कतै बग्छ कि भूगोल ?
कतै चौटिन्छ कि मुटु ?
असिनपसिन भइरहेको छु
अखण्डता गाइरहेको छु
कति सजिलै कुल्चियौँ
संविधानसभा हिजो
र अक्करमा आइपुग्यौंँ हामी
कति सजिलै बिर्सियौँ
जनान्दोलन हिजो
र रक्तपातमै मग्न भइरह्यौं हामी
मिल्यो – खायो
धम्क्यायो – लुट्यो
बजायो – सिध्यायो
ऐना हेर्ने भ्याएनँौँ हामीले
गौरवगाथा कोर्नै भ्याएनौं हामीले
जनता आन्दोलन सम्झिरहन्छ
नयाँ नेपाल कल्पिरहन्छ
संविधानसभा जपिरहन्छ
कति अपमानित छ ऊ
पटकपटक संविधानसभा लत्याउँदा
शान्त्तिको महमा
बारूदी कलबिख घोल्लिदा
जनता छिनाफानो चाहन्छ ः मुद्दाको
पिप निचोर्न चाहन्छ ः घाउको
ऊ आफ्नै अघिल्तिर
सामन्तवाद पुर्न चाहन्छ
पुराना नयाँ किरिट भाँच्न चाहन्छ
जनान्दोलनले नै बनाएको हो
संविधानसभाको ओखति
ओखतिले नै निको पार्ने हो
चह¥याउने घाउ
पहाडबासीहरू !
आफ्नो दुरावस्था फोर्न
संविधानसभालाई घनको रुपमा प्रयोग गर
तराईबासीहरू !
तात्तातो र चर्चराउँदो घाउमा
संविधानसभालाई मलमको रूपमा स्वीकार गर
जनता !
अभैm मिल्काउ भयलाई
भयको पर्यायवाची लूटतन्त्रलाई
गणतन्त्र बोल ः सुन्दर नेपाल सुसेल
अराजकता कुल्च ः
विखण्डनलाई हार्दिकताको आगोमा भष्मीभूत गर
– वुधबार, 21 जेठ, 2071