मनिता लिम्बु – गिदीको दोष
कसै सुखी छन यहॉ
यसको श्रेय कसलाई दिने
कोही दुःखी छन् यहॉ
त्यसको दोष कसलाई दिने
कसै उन्नतिको पहाड निरन्तर चढ्छन् यहाँ
यसको श्रेय कसलाई दिने
कोही अरुको प्रगति देखेर निरन्तर जल्छन यहाँ
यसको दोष कसलाई दिने
न गरिबीलाई दोष
न बाबुआमालाई दोष
दिदी,दाजुभाइ,भाउजुबुहारी कसलाई यो दोष दिने
या समाजलाई न वरिपरिको वातावरणलाई
घाम त उसको समयमा झुल्किन्छ नै
जून त उसको समयमा उदाउछ नै
ताराहरु पनि निरन्तर चम्कन्छ नै
हावा पनि निरन्तर बहिरहन्छ नै
फुलहरु पनि समयमा फुल्छन नै
पृथ्वी पनि घुमीरहन्छ नै
तर,….मानिसलाई सुख दुःख
के ले हुने हो ????
जीवनको सुख दुःखको
उपज के हो????
उतर खोजीहिड्दा लाग्यो मलाई
सायद ,सबै मानिसहरुको टाउको छ यहाँ
हो,त्यही टाउकोको दोष हो यो
अँह,होइन टाउकोभित्र त गिदी छ
त्यही गिदीको दोष हो यो…
अँह पटक्कै होइन,त्यो गिदी कसरी चल्छ
त्यसको दोष हो यो
हो..हो..जीवनमा कोही सुख दुःख
के कारण हुन्छ भनि हेर्दा त
मैले पाए यो त…
टाउको भित्र चल्ने गिदीको दोष हो यो…
टाउको भित्र गिदी चल्ने तरीकाको दोष हो यो…