होमनाथ पाठक – बाग्लुङ
नेपाल भित्र नेपाल जस्तै जस्तै बाग्लुङ जिल्ला छ,
धौलागिरि छायाँमा पहाडको स्वच्छ हावा पानी छ ।
ढोरपाटन शिकार आरक्ष पर्यटक शिकारी लोभ्याउँछ
हवाइ यात्रामा यात्रीले हिमाली काख यो हेर्न भ्याउँछ
हिन्दूजनका आस्था कालीका माताको मन्दिर
समतल कलकल बग्ने काली गंगा नदी गम्भीर
सारा देश विदेशबाट जनहरूको ओइरो चैते दसैंमा
माया पिरती गाँस्तै युवा युवती राधा कृष्ण भेषैमा
झोलुङ्गे पुलको जिल्ला भनि चिनिने देशभरि
भए नि टाढा मेरो गाउँ मेरो जिल्ला छ आँखा वरिपरि ।