नेपाली कविता को बिशाल संग्रह
प्रकाश सापकोटा – जसै तिम्रो हृदयको (गजल)
जसै तिम्रो हृदयको आकार बदलियो
सोच्यौ होला तिमीले यो संसार बदलियो
सम्झन्छु नानाथरिका कसम, किरिया ती
हो, छैन फाइदा अब जो पत्यार बदलियो
गाउँछु, गाउँछु नि जिन्दगीको गीत अझै
त्यो अर्कै कुरा हो, सहसा झन्कार बदलियो
जिउँछु जिन्दगि, सकार्छु भोगाई अनौठा
फरक यत्ति हो, जिउने आधार बदलियो
– ट्रोम्सो, नर्वे (05.11.2012)
सुषमा मानन्धर – छ कि छैन (गजल)
हाँगा हाँगै पालुवा झुले
फूलको डाली छ कि छैन
रोपेर मात्र हुन्न फूल
हुर्काउने माली छ कि छैन
भर्यौ होला मनका कुना
कतै खाली छ कि छैन
कति गर्छौ रीसै मात्र
दिने Continue reading “Sushma Manandhar – Chha Ki Chhaina (Nepali Gajal)”
इन्जिनियर राकेश कार्की – तिम्रो सधैँ जित कस्तो (गजल)
तिम्रो सधैँ जित कस्तो आफ्नो हराइले मार्यो
आयो जवानी या उन्को मन पराइले मार्यो
व्यर्थै रिसाको बेला एक्लै हुँदा मर्माहत
छाती भरी बल्झेको उफ् घाउ चराइले मार्यो
बस्दा नबोलेरै केही पश्चातको सम्झौता
झन् आँसु टिलपिल गहमा थोपा झराइले मार्यो
टाँस्सेर पश्चाताप गर्दै सास लामो फेर्दै
फुर्काउने लाडे मीठो बात गराइले मार्यो
अङ्कुश सुरू भइगो झट्टै फेरि यो गर् त्यो गर्
मन्जुर छ मान्या मान्यै तिम्रो अराइले मार्यो
(बहर : मुतकारिब मुसद्दस् अस्लम मुदाइफ
सूत्र : मुस्तफ्इलुन्++ + +मफ्ऊलुन् + मुस्तफ्इलुन् + मफ्ऊलुन्++++
SSIS SSS SSIS SSS)
कोमल भट्ट – बुढेसकालले छोयो अब (गजल)
बुढेसकालले छोयो अब दुवै गाला चाउरी परे
आयु पनि सकियो कि सबै छाला चाउरी परे
सम्झनलाई गाह्रोभयो स्मरण शक्ति हराएर
विस्मृतिले गर्दाखेरी जीउका चाला चाउरी परे
आँखाभरी Continue reading “Komal Bhatta – Budhesh Kaal Le Chhoyo Aba (Nepali Gajal)”
प्रतिमा के.सी. – पराईको माटोमाथि
आज भोलि पर्सि भन्दै भाका सरिराछ
पराईको माटो माथि आँशु झरिराछ
अग्लो थियो आदर्शको सगरमाथा
घरि घरि ठेस लाग्दा मन मरिराछ
बाध्यताको हुरीले प्रदेशमा धकेल्यो
गाउँघर Continue reading “Pratima KC – Parai Ko Mato Mathi (Nepali Gajal)”
शरण आँसु – मेरा अक्षर सारेर गए कति!
मेरा अक्षर सारेर गए कति
तिनै अक्षर मारेर गए कति !
उस्तै छु म, मेरो अक्षर उस्तै छ
यै अक्षरको चिट्ठा पारेर गए कति!
अक्षरको मर्म र अर्थै नबुझी
अक्षरदेखि हारेर गए कति!
अक्षरमा पो फुल्छ नयाँ जमाना
जमाना त्यसै टारेर गए कति !
बिर्से पाप लाग्दो हो त्यसैले
गालामा आँसु झारेर गए कति !
राकेश कार्की – दिउँसै फूलहरु
दिउँसै फूलहरु लुक्न थाले
नदी -नाला तालहरु सुक्न थाले
अझ अझ तँ गधा भन्दै
मनपरी गाली गर्दै थुक्न थाले
आयो आयो मा-यो भन्दै
हातले छेक्दै शरिर झुक्न थाले
झुण्ड झुण्ड मान्छेको खल्बली
जोड जोडले कुकुर भुक्न थाले
भूत पिशाच हो कि भन्दै
धामीले मंत्र पढ्दै फुक्न थाले
आफ्नै देशमा हिँडेका बटुवा
अर्का देश हो कि भन्दै रुक्न थाले
– लस् एन्जेलस्
कोमल श्रेष्ठ मल्ल – थप्दै गई मैले पिएँ (गजल)
थप्दै गई मैले पिएँ,पिउनु पिएँ पिउनु पिएँ
बोतलको हेर कमाल बिग्रिएछ मेरो हाल
मालामाल मालामाल उनी मालामाल
बात लाउँछे छोएँ भने नपिएर बसेँ भने
आई हाल्छे Continue reading “Komal Shrestha Malla – Thapdai Gai Maile Piyen (Gajal)”
आचार्य प्रभा – नभन घातका कुरा (गजल)
नभन घातका कुरा
नगर जातका कुरा ।
कहिल्यै नपरोस् सुन्न
बैगुनी हातका कुरा।
जीवन बितेछ त्यसै
भनन रातका कुरा।
हरियो बन्नेछु सधैं
बुझन पातका कुरा ।
बोतल रित्याइ भन्छु
सुनन मातका कुरा ।
पीडामा डुबेकी छु म
नभन आहतका कुरा ।
मनमा बस्नेछौ तिमी
गरन राहतका कुरा ।
कोमल भट्ट – सिर्जनालाई खोजी खोजी (गज़ल)
सिर्जनालाई खोजी खोजी चोर्न थाले अचेल भरी
लुटाहारले लुट्दा जस्तै सोर्न थाले अचेल भरी
प्रस्तोता लाई हटाएर लाज र शरम पचाउँदै
आफ्नै नाम र ठेगाना पो कोर्न थाले अचेल भरी
दुनियाँका आँखा भित्र छारो हाल्दै पित्तलमा
सुनको जलप लगाएर मोर्न थाले अचेल भरी
नभन्दानि अचाक्लीभो भन्दा रिसले भुत्भुताउँदै
मित्रतालाई झर्ल्यामझुर्लुम फोर्न थाले अचेल भरी
नैतिकता र इमान्दारी रछान माथि मिर्काएर
सच्चा होइन झुट्टा नाता जोर्न थाले अचेल भरी
पुरानो नैकाप,काठमाडौँ
हाल:-न्युयोर्क,अमेरिका
कोमल श्रेष्ठ मल्ल – तिमी मिठो
तिमी मिठो हात मिठो गजलको आत मिठो
तिमी टाढा बसे पनी गजलको साथ मिठो
आउ आउ यसैगरी तिमी सधै तलतलमा
भेट्न पाउ सधैभरी हजुरको गाथ मिठो
लेखीदेऊ नमेटीने झलमल गर्ने तिम्रै Continue reading “Komal Shrestha Malla – Timi Mitho (Nepali Gajal)”
कोमल भट्ट – जति चोट खपेर नि
जति चोट खपेर नि गंगाजी भै बह्यौ आमा
बाँचुन्जेलै अभाव र असन्तुष्टि सह्यौ आमा
रातोदिन डोको,नाम्लो,घाँस सँग प्रेम गाँस्दै
यिनैलाई आफ्ना दर्द सधैँ भरी कह्यौ आमा
सन्ततिलाई हुर्काउन दुखै दु:ख र पीडा झेल्यौ
जिन्दगीमा कयौँ दिन भोकै नाङ्गै रहयौ आमा
नखाइ नखाइ काम गर्दा निम्तियेर रोगहरू
शोक सुर्ता बढ्दै गए साह्रै जीर्ण भयौ आमा
ज्वलन र छटपटीले दुख्न थाल्यो प्यारो मुटु
टुहुरो नै बनाई हाल्यौ चट्टै छोडी गयौ आमा
कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका
कोमल भट्ट – छुटाएरै खुसी हाँसो
छुटाएरै खुसी हाँसो,रुवायो आज तकदिरले
भिजाएरै झर्यो आँसु,धुवायो आज तकदिरले
सुनौला कल्पना गर्दै,फुलेथ्यो फूल झैं जीवन
खसालेरै भूमि माथि,कुवायो आज तकदिरले
सगर् छुन्छु भनी हिंड्दा,खपें आपतहरु सारा
थचारेरै पूरै लोप्पा खुवायो आज तकदिरले
न पाएँ शान्तिले बाँच्नै,न लियो ज्यान मारेर
घिसारेरै लगी रौरव, छुवायो आज तकदिरले
म को हूँ को थिएँ भन्ने,भयो ऐले कथा जस्तै
घचेटेरै भङ्गालोमा, डुवायो आज तकदिरले
पुरानो नैकाप,काठमाडौँ
हाल:-न्युयोर्क,अमेरिका
कोमल भट्ट – परदेशमा प्यारो मुटु (गज़ल)
परदेशमा प्यारो मुटु दुखाएर बसेको छु
अनगिन्ति कथा व्यथा लुकाएर बसेको छु
रातो दिन घोट्टीएर काम काज गर्दा खेरी
भोक प्यासले शरीरलाई सुकाएर बसेको छु
सबै सोच्छन विदेशमा पैसा फल्ने बोट हुन्छ
कस्लाई भन्नु स्वाभिमान नै झुकाएर बसेको छु
पूर्व जन्म बित्यो क्यारे सरसापटमा डुब्दा डुब्दै
यतिबेला त्यही ऋणलाई चुकाएर बसेको छु
घर भित्र कुकुर पनि अति बलियो भए जस्तै
झमटेकाछन सधैँ भरी घुकायेर बसेको छु
पुरानो नैकाप,काठमाडौँ
हाल:-न्युयोर्क,अमेरिका
कोमल श्रेष्ठ मल्ल – समय बुझ है (गजल)
समय बुझ है पछि यो फर्कन्न
तिमी आउ दिलमा पर्खनु पर्दैन
जिवनको खाल छ मायको ताल छ
मायाको माया छ तर्कनु पर्दैन
रोपेर फूलाउ मनको फूललाई
पबित्र छाँया छ तर्सनु पर्दैन
प्रितको जिवन छ बाचा छ कसम छ
बाधिन्छौ प्रितमा फर्कनु पर्दैन
भुपेन्द्र महत – अरबको तातो घाममा
अरबको तातो घाममा तिम्रो मान्छे ढल्यो भन्दिनु
तिम्रै नाम जप्दा जप्दै उस्को श्वास चल्यो भन्दिनु ।
पूर्णिमाको जुन जस्तै तिम्रो रुप सजाउछु भन्दै
सुन टिप्न गाको मान्छे Continue reading “Bhupendra Mahat – Arab Ko Taato Gham Ma (Nepali Gajal)”
आशांक उपाध्याय – गज़ल – कसो गरि
नाङ्गो तन छ-फोहोरी, लुकाउनु कसो गरि ||
यी आँखाका बर्खे झरी, सुकाउनु कसो गरि ||
न कसैको आफ्नो भएँ, न कसैको माया पाएँ,
पुत्ला सरि ठाडोपन, झुकाउनु कसो गरि ||
गल्ति गरि जन्माएर, आफैंबाट पन्छाएर,
जाने आमा सम्झी सुक-सुकाउनु कसो गरि ||
जताततै स्वार्थ मात्र, आफु नै हो मुख्य पात्र
भन्ने जमातमा दु:ख, फुकाउनु कसो गरि ||
सडक नै आफ्नो घर, कुकुर कै लाग्छ भर,
अमुल्य यो जिन्दगानी, चुकाउनु कसो गरि ||
निर्मलकुमार आचार्य – चोखो तिम्रो माया (गजल)
(मधुपर्क २०६६ भदौ)
चोखो तिम्रो माया चोखिँदै छु म नि
तिमीसँगै अब जोखिँदै छु म नि ।।
भावनाकी तिमी छताछुल्ल खानी
तिमीसँगै अब पोखिँदै छु म नि ।।
संयम, धैर्य अनुपम छ तिम्रो
तिमीसँगै अब रोकिँदै छु म नि ।।
तिम्रो नाम चयन जहाँसुकै छ
तिमीसँगै अब तोकिँदै छु म नि ।।
मनमा सबैको अटाउने तिमी
तिमीसँगै अब बोकिँदै छु म नि ।।
इन्जिनियर राकेश कार्की – प्रधानमंत्री ज्यू
सबैले छानेर छोडेको साडी जस्तै
गतिभूलि ठोक्किएको गाडी जस्तै
दुनियाँको आँखामा छारो हालेर
प्रेमी प्रेमीका लुक्ने झाडी जस्तै
बिग्रीएर भत्किएर अलपत्र परेको
इतिहास हराएको सिंधुलीमाडी जस्तै
कपिल अन्जान – ऊ रुनु यसपाली रहेछ (गजल)
ऊ रुनु यसपाली रहेछ
भन्थ्यो संसार जाली रहेछ
मैले मुटु धुन सकिन
भनेर घाउ पखाली रहेछ
पाएछ माया गरेको फल
छातीमा आगो बाली रहेछ
मेरो मनले मान्न सकेन
सबैले Continue reading “Kapil Anjan – U Runu Yes Paali Rahechha (Nepali Gajal)”