विवेक दुलाल क्षेत्री “दमक” – गर्दिन भन्दै थियो (गजल)
गर्दिन भन्दै थियो, उ उक्साहट आयो
हेर्दा हेर्दै खुनी हातको फैलावट आयो
फूलहरू मुर्झाएका थिए ,बिश्वास ढलेका
दमित इच्छाहरूको सजावट आयो
लेखिनु पर्थ्यो इतिहास कलमले ,नकी तरबारले
न्याय भनिने कुरामै पनि ,गिरावट आयो
दिक्क छ ,गाउ टोल ,शहर बजार
यो सोच्दै कि ,कसरी रहन सहनमा मिसावट आयो
बल्ल शान्त भो, यो विवेकको भित्रैसम्म मन
सुनेर पापीको पापमा पुरै चुहावट आयो .
अस्तु :