दामोदर पुडासैनी किशोर – प्रस्थान
आकाश टेकेर
छाम्न खोज्दैछु शिखरहरू
नबीन लिपीमा
कोर्न खोज्दैछु
घाँसे बुट्टाहरू
लामो थकान
बिसाउँने तर्खरमा छु
कोर्दैछु
चमत्कारी चित्रहरू
आगोसँग जिस्केर
छुन खोजेकोछु
मनको ज्वालामुखि
हावाको शक्ति
जाँच्न खोजिरहेछु
तुवालो भित्रका खजाना
आँखामा टाँस्न खोजेकोछु
साइरन भर्खरै बजेको छ
दूर्घटना झुठो प्रमाणित गर्न
हावाको सुरूँग चपाउँन खोज्दैछु
एउटा चरा
सकि नसकि
बादलको सिँढी चिन्दैछ
म बादलका दरबारहरूमा
पुरानो पियानो
ब्युँताउँदैछु
समयलाई
बेस्सरी चपाउँन
दाँतमा साँध लगाउँदैछन्
काकाकुलहरू
समय भने
गुमेको अँश माग्दैछ घामसँग
-भैरहवा,गौतमबुध्द बिमानस्थल
२०७५ फागुन १२ गते