प्रतिमा के.सी. – चिसो चुलो फुकेकै छौ चेतनाको राँको बाल
बन्नुपर्छ समान न्याय यहि आउदो साल
तोडनुपर्छ नारी तिमीले सामन्तीको जाल
हत्कडी लगाउदै छन् हर धर्म तिमीलाई
चिसो चुलो फुकेकै छौ चेतनाको राँको बाल
मनमस्तिष्क खार्नुपर्छ सुन्दर बन्नलाई
कुबिचारको अग्लो पर्खाल बरु आजै ढाल
नागरिक जिम्मेबारी तिम्रो काँधमा पनि छ
स्वाबलम्बी स्वाभिमानी भै पाइलाहरु चाल
कति खर्चिन्छौ समय शृंगार क्षणिक न हो
छोड लज्जाको घुम्टो बिबेकशाली काम थाल
०७ मार्च २०१२
रेडिंग, बेलायत
अन्तराष्ट्रिय नारी दिवश २०१२