Shrawan Mukarung – Ful Ko Awaz

फूलको आवाज
चराको आवाज
मान्छेको आवाज
ओ नायिका ! तिमी आवाजसित प्रेम गर

रातो–रातो धर्तीको आवाज
नीलो–नीलो आकाशको आवाज
तिम्रो साथ नपाएर चुपचाप छन् आवाजहरू
तिम्रो चुम्वन नपाएर आहत छन् आवाजहरू
ओ नायिका ! तिमी आवाजसित प्रेम गर

धमिलो–धमिलो झुप्रोको आवाज
गहिरो–गहिरो सपनाको आवाज
तिम्रो साथ नपाएर चुपचाप छन् आवाजहरू
तिम्रो चुम्वन नपाएर आहत् छन् आवाजहरू
ओ नायिका ! तिमी आवाजसित प्रेम गर

फूलको आवाज
चराको आवाज
मान्छेको आवाज
ओ नायिका ! तिमी आवाजसित प्रेम गर ।