गौंडा कुरेर
धनधान्याञ्जल महायज्ञ यात्राहरुमा
स्याल आक्रमण हुँदा
केही सुराकीहरु
इहलौकिक सब वेहसमा वेचिरहेछन्
स्वास्थ्यवर्धक च्यवनप्रासहरु
शिलालेख हेर अभिलेख हेर
विज्ञप्तिकालीन कैफियत प्रतिवेदनमा मात्र
कुद्दैनन् गाजापट्टीतिर
इजरायली ट्याङ्क आतङ्कहरु
प्रपञ्चातीत
गुरुकुलीय अध्यवसायहरुमा
कहाँ हराए लाभाताल सिद्धान्त ज्योतिषाचार्यहरु ?
सिस्नेरी झ्याङ
ल्याण्डफिल्ड साइटका रानीमहलहरु
आउ, गिनिसवुकका प्रति बोकेर
पुस्तैनी जीन हस्तान्तरणका
बम्पर खेलौं
क्रम विकास
सुख्खा आँखाका वर्षात्हरु
हामी एनेस्टेशियामा फर्जी मुठभेदका
इतिहासहरु रच्दैछौं
ओनियोमेनिया
हामी जलघोडाहरुमा काठी कस्दैछौ
अब कस्ले भन्न सक्दैन
हामी कठघराको मृत्युदण्ड भोग्दैछौं !