आँसु नआउँदै–
तस्वीर आउँछ
आँसु पलाउँदा–
सम्झना झाँगिन्छ/क्षितिज धमिलिन्छ
आँसु झर्दा–
आँखामा खस्छ/बालक चलमलाउँछ
आँसु पुछ्दा–
चुरा बज्छ/आँखामै खरानी पस्छ
आँसु सुक्दा–
उज्यालो हुन्छ/ दैलो उघ्रिन्छ
यसरी आँसु बाहिरियो भने त ठीकै हुन्छ
भित्रै रहिरह्यो भने के–के हुन्छ/ के–के हुन्छ
आँसु सम्हाल्ने त मन हुन्छ
नसके रुमाल हुन्छ
भन ए परदेशी !
तिमीले पसिना पुछ्ने रुमाल
सपनामा फूल हुन्छ ?!