बाँच र बचाऊ तिमी भुन्टे,तिम्रो के नै हुन्छ
हाँस र हँसाउ कसले भुन्टे,तिम्रो के नै धुन्छ
सबै संग गर सत्य कर्म,तिम्रो के नै जान्छ
तिमी गुणी हौ भने भुन्टे,खोइ के नै गुन्छ
भाग्य भन्दा बढी भुन्टे, कसैले पाउनु छैन
भाग्य संग लड्दा भुन्टे, सबै मानिस रुन्छ
भाग्यलाई कुराई यहाँ,तिमीले गर्दा-गर्दै पनि
समय बिना कसले भुन्टे, तिम्रो के नै सुन्छ
समयसँग हाँस्न सिक भुन्टे, हत्केलामा हेरी
भाग्यमा”मृदु” नलेखी भुन्टे,तिम्रो के नै बुन्छ