प्रगती राई – आतंक भर्सेज आतंक
प्रत्येक आमाहरूले
छोरीहरूलाई दिने पेवा
हतियार हुनेछ अब ।
हतियार बोक्नुको खराब समचार फैलनु अगावै
पत्रकार महोदय,
अखबारमा यो कुरा लेखिदिनोस् कि-
यो खतरा
छोरीलाई काखमा बोकिहिड्ने बाबुहरूको लागि होइन
यो खतरा
श्रीमतिलाई आदर गर्ने श्रीमान् को लागि होइन
यो खतरा
प्रेमिकाको हात समातेर हिड्ने प्रेमीहरूको लागि पनि होइन
यो खतरा त उसको लागि अवस्य हो
जो अनेकन सम्बन्धसँग जोडिएर
महिलालाई डष्न माहिर छन् ।
पत्रकार महोदय,
म स्वतन्त्र भएको दिन
आजसम्म
आइमाईहरूले कहिल्यै लेख्न्न नपाएको
शान्तिको प्रेममय गीत लेखेर
उपहार पठाउनेछु ……