आचार्य प्रभा – नजरको बाणले हान्यो कि मलाई ? (गजल)
नजरको बाणले हान्यो कि मलाई ?
मनको मन्त्रले तान्यो कि मलाई ।
बुझ्न नै सकिन आज खै के भनुँ ?
प्रियसी भनेर जान्यो कि मलाई ।
सकिन बुझेर मन नि कहिल्यै
जीवन संगीनी मान्यो कि मलाई ।
शायद असल प्रेमी नै भएर
मनकी प्रेमिका ठान्यो कि मलाई ।
हज्जारौं सुन्दरी छाड्दै पो यसरी
एक्मात्र मायालु छान्यो कि मलाई ।
छुटाइ कहिल्यै टाढा नै नगर्न
कसिलो डोरिले बान्यो कि मलाई ।
(रचना १९ अगस्ट २०१० )