आँशु पानी जस्तै हो
तर आँशु पिउनु हुदैन
आँशु पानी जस्तै बग्छ
तर आँशु जमाउनु हुदैन ।
आँशु पानी जस्तै हो
तर पानी आँशु होईन
आँशु अभिव्यक्ति हो
तर अभिव्यक्ति आँशु होईन ।
दूख र रोदनमा मात्र होईन
खुसीमा पनि बहन्छ आँशु
आफ्नै पीडामा मात्र होईन
अरुको पीडामा पनि
ओर्लिनु पर्छ आँशु ।
आफ्नो दूखमा त सबै रुन्छन
अरुको पीडामा पनि रुन सक्नुपर्छ
आफ्ना आँखाहरुबाट बहने आँशु
अरुका लागी पनि साँच्न सक्नुपर्छ ।
आँशु जमाउनु हुदैन
पीडा गुम्साउँनु हुँदैन
आँशुमा नै बगाईदिनु पर्छ
शान्तिमय जीवन जीउनका लागी
पीडा पखाल्नका लागी
आँशु बगाउनै पर्छ
आँशु जमाउनु हुदैन ।