डा. सूरज निरौला – डर
“गुडुर वाक् वाक्…गुडुर वाक् वाक्…”
शान्तिका दुत सेता परेवाहरु
गुड्गुडाइरहेछन्,
“प्रकृतिसगँ किन डराउनू ?
उनैले जन्माउछिन, उनैले नाश गर्छिन् ।
जन्म र मृत्यु त शाश्वत सत्य हो ।
तर,
जब जब अत्याचारले सीमा नाघ्दछ,
डर त मलाई तिमीहरु देखेर जाग्दछ ।
सोच्ने गर्छु,
लालच र अभिमान, ईर्ष्या र बेइमान
मात्र किन तिम्रा मष्तिस्कले राख्दछ ?
तिम्रा नीच सोच र व्यवहार देखेर
मेरो चैन भाग्दछ ।
तिम्रा फोहरी राजनिती, चलखेल हेरेर
साच्चै मलाई डर लाग्दछ ।
किनकी,
अब तिमीमा मानवता हराएर गए ।
यहाँँ मानिस, मानिस नै नरहेने भए ।
बरु आऊ,
कालो मन पखालेर, सेतो तन लिएर
हामी सगैँ उडौँ र सगैँ भनौँ
गुडुर वाक् वाक्…गुडुर वाक् वाक्…”
(धन्यवाद 🙏)