कोमल भट्ट – सोझा सिधा जनतालाई
सोझा सिधा जनतालाई नचाउन सक्छौ अब
निर्दलको हल्ला खल्ला मचाउन सक्छौ अब
जाली,झेली,कुकर्मी र अपराधी भए पनि
बन्धु बान्धव रैछन भने बचाउन सक्छौ अब
विरुद्धमा बोले भने गोर्खे लौरी उजायेर
प्रहार गर्दै ढाड सबको भँचाउन सक्छौ अब
रुघा मात्रै लागे पनि शाखासन्तान जम्मा गर्दै
बिदेश तिरै पुर्याएर जँचाउन सक्छौ अब
यो देशको महामात्य जे गर्न नि हुन्छ भन्दै
कोष जति रित्याएर पचाउन सक्छौ अब
पुरानो नैकाप,काठमाडौँ
हाल:-न्युयोर्क,अमेरिका
मार्च १३ ,२०१३