गोपाल कवाली – लेख त पेम्बा आप्पालाई
लेख त पेम्बा आप्पालाई,यादले सार्हो पार्यो भन्दे
साँझै बिहान उलुक उलुक, बाडुलिले मार्यो भन्दे
जिम्बु सुठो बेच्न गाको, वर्ष दिन भो पत्तो छैन
मिङ्ग्माले नि भेड़ी गोठ,बेंसी तिर झार्यो भन्दे
स्याउका बोटमा दानै छैन, यार्सागुम्बा पाउनै छोड्यो
चौरी गोठको बिजोग भयो, लडेको छ गाह्रो भन्दे
दोर्जे, ध्वांगे घरै बसी, मार्फा आईरक बेच्ने गर्छन
ल्याप्चा भीरको हिम-पैरोले,धेरै गाउँले गाड्यो भन्दे
डोल्मा पनि बाउ नआए, गोले संग भाग्छु भन्छे
अकबिर ले बन्धकीको, फेरि भाका सार्यो भन्दे
आबो मैले यत्ति सम्झें,तेरो खबर थपथाप गरेस
ब्यबहारको चटारोले, तेरो आमा हार्यो भन्दे!!!
अफगानिस्तान,२९/०१/२०१३