कोमल भट्ट – छचल्क्यो जवानी उबायो कसैले (गज़ल)
छचल्क्यो जवानी उबायो कसैले
कसी प्रेम पाशमा डुबायो कसैले
अति प्रीतले मन्द मुस्कान छर्दै
सुधा जल खन्याई नुवायो कसैले
हुँदा अर्ध चेतमा पियाएर प्याला
समाएर तान्दै खुवायो कसैले
कुहू कोयली झैँ मधुर कण्ठ खोली
सुरिला गीतैमा रुवायो कसैले
छुटी स्नेह सामिप्यले मन दुखायो
छताछुल्ल आँसु चुहायो कसैले
पुरानो नैकाप,काठमाडौँ
हाल:-न्युयोर्क,अमेरिका