इन्जिनियर राकेश कार्की – प्रकृति
प्रकृतिको नियम हुन्छ
जीवन जन्मन्छ अनि मर्छ
समयमै जन्माउछ प्रकृति
समयमा नै मार्छ
प्रकृतिका भक्षकहरु
महत्वांकाक्षी त हुन्छन्
जतिखेर पनि मार्नसक्छन्
जन्माउन सक्दैनन
बदलिदिन्छन् प्रकृतिका नियम
बन्दुकको नालले
मारीदिन्छन् समय अघि नै
निरीहलाइ कालले
जन्माउनलाइ बा आमा
मार्नलाइ जो कोही पात्र
बचाउनलाइ कति कठिन
मार्नलाइ एक्कैछिन मात्र
हांस्नेहरु हांस्या हास्यै छन्
अरुलाइ हांस्न दिंदैनन्
थोरैले मात्र हांस्छन्
धेरै धेरैलाई रुवाउछन्
प्रकृतिमा प्रभुत्व जमाउनेहरु
प्रभुत्व जमाउन खोज्नेहरु
प्रकृतिको नियम त बदल्छन्
तर आफूपनि त्यहीं परिधिभित्र छन्