कोमल श्रेष्ठ मल्ल – खरानी उत्सव
बदलीको उत्सब
करोडौंको पर्खाई
तर यो उत्सब
बाचाले
कसमले
ईमानले
धर्मले स्वास फेर्न बिर्सिएन भने
सायद राग
बैरागबाट बदलिएर
एउटा लठ्ठीमा सगरमाथा हुन्थ्यो कि ?
तर
जुवाडेहरुको खालमा मक्किंदै गरेको देश
घिटीघिटीको स्वासमा
प्रदेश प्रदेश चाहर्न
बाघ र बाख्रीको खेलमा पर्नु
र
हिंस्रक पासामारहरु
परिवर्तनको बर्दीमा
समाबेसीको लौरो बोकेर
शिर ढाल्दैछन ??
आ आफ्नै बाचा कसम किरीयामा
बिस्तारै …
बिस्तारबादीका लागी !!
भाषा भेष भूषा नयाँ नयाँ
जात जाती नयाँ नयाँ
उत्सव उत्सव नयाँ नयाँ
सिङ्गै देश जलेको खरानीमा
चेतना भया !!!