कोमल श्रेष्ठ मल्ल – नयाँ बर्ष २०६९ देउ
हिजो अस्ति देखी,
नया बर्षको शुभकामनाको धुइरोमा
माया बुन्ने, हौसला उन्ने,
एउटा सुईरो भेटेको छु मैले !
र
बितेका बर्षहरुमा झै
यो आउने बर्षका लागी
त्यही सुईरोले मैले पनी,
सुख, संबृद्दी, आरोग्यताको शुभकामना
बटुलेर, बुनेर, उनेर
सहृदय सबैलाई पठाएको छु
अनि,
शुभ आशिर्बादका लागी,
ईस्वरमा श्रद्दा भक्तीले
प्रार्थनाको श्रद्दा सुमन चढाएको छु !
नयाँ बर्ष २०६९
तिमी हरेक मानवका लागी सुख,संबृद्दी,आरोग्यता,
दीर्घ जीवन र शान्ती बोकेर आउ है !
अनी,
गरीबलाई धन देऊ,
धन हुनेलाई मन देऊ,
साना,ठुला जात जाती र धर्मको भेद नराखी
यथार्थमा सुख,,सान्ती र प्रगतीको यौवन देऊ ।
नयाँ बर्ष २०६९
शिशीरको पात होईन,
एकताको हात
अन्यायीकाे जमात होईन,
न्यायको जात देऊ,
र सुगन्धित फूल फुल्ने
लह लह बाला झूल्ने
ब्योम आकास खुल्ने
मन्द पवन डुल्ने
र नङ मासु मिल्ने
सुख,शान्ति र उन्नतिको जीवन देऊ ।
नयाँ बर्ष २०६९
आशामा चाँदनी
बिस्वासमा किरण
निराशामा हौसला
दुखमा टेवा
यात्रामा सफलता
र बिजयको अजय मुटु
अनी भरोसाको अमर अमर अमर स्वास देऊ ॥