भोजराज बराल – शहर
ऐश्वर्यको धरोहर बाट,
श्याम्पेनको गिलास समात्दै,
कुन संस्थाको आय र व्यय
कति उँभो र उँधो गर्यो,
अनि,
कसले कति आर्ज्यो र गुमायो,
यस्तै यस्तै गफ बीच
श्याम्पेन थप्दै जाने सुन्दरी बिचको दूरी पार गर्दै,
मेरा यी आँखा हरु,
गगनचुम्बी भवनको काँचको भित्ता फोर्दै,
सडक को पेटीमा ठोकिंदा,
थोत्रो, भिजेको सिरकले
आधा शरीर ढाक्दै,
लम्पसार, एउटा म जस्तै मान्छे,
कागजको टपरीमा,
नचल्ने एक दुइ बिदेशी सिक्का टल्काउन्दै,
दिनभरी करोडौ पोको पारेर,
स्वर्ग जस्तै घर पुग्न हतारिएका
भाग्यमानी हरुको यात्रा
असहज बनाइरहेको दृश्य,
मेरो हात बाट
श्याम्पेन को गिलास खसेर
भुइमा फुटे पछी,
मेरो मानसपटल बाट
हराउंदै गयो!
– London