योगेन्द्र राज शर्मा – तिमी घाम नै हौ
लाग्छ,
धेरै ताराहरु मिलेर
तिमी बनेकी हौ
तिम्रो अनुहारमा
म रातको आकाश देख्छु
लाग्छ,
तिमी घाम हौ
तिम्रो उज्यालोमा
मेरा आँखाहरु हुनुको अनुभूती गर्छन् ।
मेरो एक पाटो उज्यालो
र एक पाटो अँधेरो छ ।
मैले बाल दिईनँ भने
यि सब अनुभूतिको
अन्त्य हुन्छ ।
तिमी घाम नै हौ
जसको वरीपरी
म घुमिरहेछु ।
कास, तिमीले पनि यस्तै अनुभूती गरेको भए !!!
(Sent to Sanjaal Corps via Email)