अबिर खालिङ्ग – भोलि
सधैंको रित्तो सिउँदो
विधवाको खुशीजस्तो दिन र
घाम नलाग्नुको अभिशाप थाप्लोमा बोकेर
हाँसिरहेछौं ।
जूवामा हारेको वैंश
नखोज्नु तिमीले ।
कन्याउनुको मोह पालेर लुतोको स्वाद
जिन्दगीको रथमा कति चढ्नु ?
भुस्याहा कुकुरहरु भुकिरहन्छन गाउँमा ।
मान्छेको सपनालाई………खेदेर
ऐय्याशीको शिकार खेल्छन ।
गल्ली र गल्छेंडाहरुमा हिजो आज
हाम्रो भविष्यको चेंके थपाई हुन्छ ।
थाह छ कि छैन
कति द्रौपतिहरू
जूवामा हारियो ।
(Sent to Sanjaal Corps via Email)