निस्तेज – मायाँ मलाई साँच्चै गर्ने विचार राखी (गजल)
मायाँ मलाई साँच्चै गर्ने विचार राखी
बस्थ्यौ कहाँ बगलमा तीखो कटार राखी
पत्याउँ पो कसोरी हौ फूल यो तिमी नै
रङ्गीन भो र पतझड नाउँ बहार राखी
नाता तिमी र मेरो हो कि उही जुनी को
जाँदैछु आज फेरी बाँकी उधार राखी
खै के त यो गरेको मेरै भलो चिताइ
बाँड्यौ बहार मेरै पालो पुछार राखी
तिम्रो कथा छ बेग्लै मेरो पृथक कहानी
बस्छु नता म साथी खुल्लै यी द्वार राखी