निशान निष्कर्ष – म समरको यात्रामा छु
त्यो वस्तु अद्भुत होइन
जोबाट सबै त्रसित बनून्,
समय र सन्दर्भमा त्यो महान् हुन्छ
परिवर्तनको संवाहक हो त्यो
त्यसैले म,
समरको यात्रामा छु ।
हरेक पीडा र कुण्ठाको
उत्सर्ग हो त्यो,
हरेक पटकको शान्तिको
निष्कर्ष हो त्यो ।
जो लड्छ युद्घ
त्यसको विजय पक्का छ ।
हेर त इतिहासलाई
को लडेनन् र आफ्नो स्वतन्त्रता खोज्न
मनको चाहना पुरा गर्न,
युद्घ पे्रमको होस् या शान्तिको
या स्वतन्त्रताको ।
त्यसमा युद्घ हेरी
शैली फरक होला, विधि फरक होला
समय र परिस्थिति फरक होला ।
तर पनि
त्यो एकपटक आउँछ
जो परिवर्तनको सम्भावना बोकेर
त्यसमा सामेल भएपछि
हार जीत स्वभावै हो ।
हो,
को चाहन्न र समरमा जीत
को चाहन्न र आफ्नो अस्तित्व,
त्यसैले,
युद्घमा गोली र गठ्ठा नै किन चाहिन्छ र
आवाजको युद्घ, कलमको युद्घ
अनि अन्य, अन्य…!
मलाई पक्का छ
यसपाला म नजिती फर्कन्न
त्यसैले,
मेरो जीतको प्रतीक्षामा बसेर हाँस्नु
म एकदिन जीतको लहरमा हुन्छु
तर यो बेला म,
समरको यात्रामा छु ।
गोरखा