खगेन्द्र थापा – जीवन मृत्यु हो
भोकको तिर्सना मेटाउन
ठूलो माछाले सानो माछालाई खानु हुदैन
सुख सपना हो, सुख कल्पना हो
भ्रमित छेपारो झै घाम ताप्दैमा जिन्दगी जानु हुदैन
स्वर्गिय आनन्द भेटाउन
त्यागको भजन गाउनु र भोगको भतेर खानु हुदैन
जीवन– जीवन हो, जीवन मृत्यु हो
मान्छेले आफ्नो कीर्ति कात्रोमा गुट्मुट्याएर लानु हुदैन।
मनको मैलो ओत्न
धर्मको छाता ओढेर कुनै कुकर्म गर्नु हुदैन
दुःख जीवन हो, जीवन दुःख हो
पाप र घृणाको बिल्ला लगाएर मान्छे मर्नु हुदैन
समानताको बाहानामा
पसिनाको सागर र पौरखको पहाडमा र्याल काड्नु हुदैन
विलाशिताको चाहानामा
धनीको लाससगै गरीबलाई दास बनाएर ज्यूदै गाड्नु हुदैन।