नरेश शाक्य- सुम्मिनालाई
ओ सुम्निमा !
मेरो मुटुभरिको अथाहअथाह चाह तिमीलाई
स्वीकार गर ल !
तिमी त फुलिसकेकी छ्यौ बैँसको हाँगामा
लालुपातेको जोवनसरह ढक्कमक
शारदीए घाममा
मुसुमुसु कौमार्य छरेर
तिम्रो लेकाली यौवन
मेरो नजरको प्यालामा
मदिरासरह छचल्किँदो छ
मेरो प्रेमको, हार्दिकताको
यो ग्रिटिङकार्ड
उपहारस्वरुप
स्वीकार गर ल !
मेरो मुटुमा बजिरहेको सङ्गीत
धिन्ताङ्धिन्ताङ्को
अविरल धुन मायाको
पयरहरु उन्मुक्त गतिमा
नाचिरहेछ स्वर लहरीमा पालामको
मेरो मायाको नजराना
कोसेली
हार्दिकताका साथ स्वीकार गर ल !
ओ लुङा !
हाम्रो बैँसको भाकाले
सुरिलो धुनले
पिरतीको नौतुम सनातन चाहनाले
ढाकोस्, गुन्जियोज वनपाखा
भञ्ज्याङ अनि चौतारी
हर मेलापात ल !