क्षेत्रप्रताप अधिकारी – मलाई छोडी मेरो छायाँ
मलाई छोडी मेरो छायाँ कतै झरेछ
तिमीसम्म आइपुग्दा साँझै परेछ
त्यसै कति बिते मेरा चिसा चिसा रातिहरु
तातो माया संगालेर खोजिरहें साथीहरु
वैंश छँदा नपुगेको रातै ढलेछ
तिमीसम्म आइपुग्दा साँझै परेछ
नलेखेको गीत मेरो पाखाभरि गाए जस्तो
नदेखेको माया मेरो आँखाभरि पाए जस्तो
जिन्दगीको छेउमा कतै ज्योति झरेछ
तिमीसम्म आइपुग्दा साँझै परेछ
शब्द – क्षेत्रप्रताप अधिकारी
स्वर, संगीत – नारायण गोपाल
एल्बम – प्रेयसीका यादहरु