भीरा खड्का – मेरो मन
मेरो
मन जब
एक्लो महशुस गर्छ,
मन जब
उदाश हुन्छ
अनि उ अर्को
एक्लो र उदाश मनको
चाहना गर्छ,
साथ पाउनु
अनि साथ दिनुलाई
बेचैन हुन्छ,
मेरो
मन जब
रसाएर रुन्छ
मेरो
मन जब
एकोहोरो हुन्छ,
तब उ अर्को
रुवेको मनलाई
एकोहोरिएको मनलाई
आफ्नो प्रतिरुप ठान्छ
अनि आफु पनि
एकोहोरो भैदिन्छ,
मेरो मन
जहिलेपनि एक्लो छ,
सधै भरि उदाश छ,
हरपल हर दिन
रुवेको छ
अनि सदैव एकोहोरिएको छ
तर खै त मैले
मेरो झैँ एक्लो
उदाश अनि
एकोहोरो मन पाएको?