केदार संकेत – रुख ढलेको छैन
इतिहासको पाना पल्टाएर
एकथरीले लेखे / भने
उहिले उहिले
सबैले हाम्रो गाँउमा रुख मौलाएको कुरा
दरो जरा गाडेको कुरा
त्यो रुखको बिगतका हाँगाहरुबाट
अमृत फल फल्दै गर्दा
पटक पटक
बिसाक्त फल फलेको कुरा
भाच्चिएको र लछारिएको र पछारिएको
तर कहिल्लै जरा नउखेलिएको कुरा
अर्थात काटेर नफालिएको कुरा ।
अर्का थरीले लेखे / भने
हेक्का राखेस्:
रुख ढलेको छैन
रुख उखेलिएको छैन
– मात्र पात झरेको छ
– मात्र फल कुहिएको छ
– मात्र केही हाँगाहरु लछारिएका छन्
यदि रुख ढलेको भए
रुखको जराहरु पनि उखेलिनु पर्ने हो
त्यो भएको छैन
गाउलेहरु यस्तै भन्छन्
गणतन्त्रले मात्र हाम्रा गाँउमा
नयाँ मुजुरामए रुख
के रोपिन्थ्यो र
किनकि यहाँ
एउटा रुख ढले पनि
अरु थुप्रै बुढोरुखहरु ढलेकै छैनन् ।