जल–धारा
प्रभु तिमी अब मेरो घरमा आएका छौ, कृपा गरेर नफर्किदेऊ !
असंख्य वन–जंगलमा साउनको मेघ बर्सिरहेछन्,
अनि रातको पलक बादलको भारले निहुरिएर बन्द भएको छ,
कृपा गरेर नफर्किदेऊ ।
बिजुलीको गडाङ्गगुडुङ्गले निद्रा लोप भयो ।
अब वर्षाको जलधाराका स्वरमा स्वर मिलाएर
गीत गाउने रहर भइरहेछ ।
मेरा आँसुका कण आकाशको अन्धकारमा घुम्दै–घुम्दै
अति उत्सुकतासँग
केही अनुसन्धान गरिरहेछन् !
हे प्रभु ममाथि कृपा गर !
नफर्किदेऊ, नफर्किदेऊ !