चाँदनी शाह – आमा भएर
आमा भएर बोकिहेर सन्तानका पीरहरू
आमा भएर बाँढिहेर सन्तानका खुसीहरू
आफ्नो लागि त सबै बाँच्दछन् यस लोकमा
अरूको लागि बाँचिहेर सन्ताप अनि दुःखमा
एकपल्ट नियाली हेर आमाका दुवै आँखामा
बुझ्न खोज त्यसमा लुकेका दुःख सुस्केराहरू
एक पल्ट अडेर हेर आमाको सङ्गलो मनमा
छुन सक त्यसमा उर्लेका माया ममताहरू
धर्ती भई एक चोटि सहिहेर अरुले कुल्चेको
आगो भई एक चोटि बलिहेर अरुले तापेको
आकास भई फैलाई हेर मायाको ओढ्ने
पवन बनेर फिजाई हेर स्नेहको बिच्छ्यौना
स्वर: तारादेवी
रचना: चाँदनी शाह