निरोज घिमीरे – मेरो झ्यालको पर्दा
रहस्यमय झै लाग्छ
अलिकति उठेको
पछाडी केही लुकेको जस्तो देखिन्छ
बस्तु हो न व्यक्ति हो
वायु हो कि मेरो सासले हो
फरफराई रहेको छ
म पक्का छु
त्यहा केही छ
पर्दा पछाडीको चिज
मलाई अझै तर्साइरहेछ।
मेरो मस्तिष्कको आखिझ्यालबाट
कोही छिरेर
पर्दापछाडी लुकेको हनुपर्छ
या त पर्दापछाडी
मेरो अतितको अवशेष हुनुपर्छ
बेलाबेला हल्लिदै छ
त्रास झनै बढिरहेछ
पर्दापछाडिको चिज
मलाई अझै तर्साइरहेछ।।
अतितमा छुटेको त्यो माया
कसरी बाच्यो अहिले
मेरो सपना रहस्यमय बन्यो
पर्दापछाडी लुकेर आफैलाई कहिले
अब सङ्कोच रहेन
पर्दापछाडी मेरी मायालुको छाया लुकिरहेछ
त्यही छाया मेरो वरिपरी सधैभरी हिडीरहेछ।।