विज्ञान दर्शन – सृजनाका थुङ्गाहरु
सृजनाका थुङ्गाहरु फुल्न थाल्छन बिहानीमा
भावनाका शब्दहरु खुल्न थाल्छन बिहानीमा
स्वप्नमा हराएका यी निन्द्रामय आँखाहरु,
उनको मुहार वरिपरि भुल्न थाल्छन बिहानीमा
आशाको किरण लिएर मनका तरङ्गहरु ,
शितलु यो हावाले झुल्न थाल्छन बिहानीमा
उनका ती प्रेमपूर्ण मधुर कोमल वाणीहरु,
मेरो स्मृति वरिपरि डुल्न थाल्छन बिहानीमा
रमाइला सुखमय पहिलेका ती पलहरुलाई,
‘विज्ञान’का सम्झनाहरु बटुल्न थाल्छन बिहानीमा