nepali poets in usa – Nepali Poems

J N Dahal – Ulto Yug Ko Manis

जे एन दाहाल – उल्टो युगको मानिस

अँधेरी सुत्छ झिस्मिसे उठ्छ अँधेरी देख्द छ
नयन भित्र लागेछ जाली उभिण्डो लेख्द छ
भन्द छ दोषी लाउदै यहाँ संसार कस्तो छ ?
त्यो लोभी पन , घमण्डी मन मानिस उस्तो छ।

उल्टो Continue reading “J N Dahal – Ulto Yug Ko Manis”

Rakesh Karki – Timile Heri Rahyou [Nepali Geet]

इन्जिनियर राकेश कार्की – तिमीले हेरिरह्यौ (गीत)

तिमीले के सोचि हेरिरह्यौ
म गइरहेँ
हवाइजहाजमा आँखा चिम्लदा
तिमी मै भइरहेँ

तिम्रो परेलीमा अडियो थोपा
आँखा भरिएर टिलपिल
फर्कि फर्कि हेर्न नसकि
अहिले रोएँ पिलपिल

तिमीले हाँसेर बिदा दिँदा
मायाले मलाई समाइरह्यौ
तिम्रो मनको घाउ मलाई
सुम्सुमाउन थमाइरह्यौ

फेरि फर्किन्छु चाँडै भनि
म गइरहेँ
सपना बटुल्दै विरानो देशमा
तिमी मै भइरहेँ

Komal Bhatta – Kasto Hunchha Chokho Maya (Gajal)

कोमल भट्ट – कस्तो हुन्छ चोखो मायाँ

कस्तो हुन्छ चोखो मायाँ गर्नेलाई नै थाहा हुन्छ
कति दुख्छन चोटहरू पर्नेलाई नै थाहा हुन्छ

बाध्यता र विवसताका कथा व्यथा जति सबै
अभावमा सधैँ आँसु झर्नेलाई नै थाहा हुन्छ

सतहलाई नियालेर देखिंदैनन भित्री कुरा
जङ्घारको गहिराई तर्नेलाई नै थाहा हुन्छ

गाह्रो छ कि सजिलो छ विछोडमा जिउनु पर्दा
प्रत्येक पला तड्पिएर मर्नेलाई नै थाहा हुन्छ

कसले लुट्यो सुख,शान्ति,रमाइलो र हाँसो अनि
जिन्दगीका सारा खुसी हर्नेलाई नै थाहा हुन्छ

कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका

Rakesh Karki – Bho Chahidaina Kursi

इन्जिनियर राकेश कार्की – भो चाहिँदैन कुर्सी

भो मलाई चाहिँदैन कुर्सी
त्यसले मलाई अति आन्नद दिलाउँछ भने
भुँईमा बस्नेको समस्याहरु बिर्साएर
मलाई मात्र सुखै सुखमा भुलाउँछ भने

जो जो बस्छन् त्यसमा
फननन Continue reading “Rakesh Karki – Bho Chahidaina Kursi”

Kabita Thapa – Bagmati Timi Sandhai Bagi Rakha

कविता थापा – बाग्मती तिमी सधैँ बगिराख (कविता)

पशुपतिनाथको आस्था बढाइराख
अविरल जलधारा चढाइराख
पवित्रता समुन्द्रसम्म लगिराख
बाग्मती तिमी सधैँ बगिराख

जता बग्छ्यौ उतै तीर्थस्थल
बाँचुन्जेल अचाउदै खान्छौँ जल
मानिससंग अझ शुद्धता मागिराख
बाग्मती तिमी सधैँ बगिराख

तिमी अमृत तिम्रो दिव्य वरदान
फोहरमैलो हटाउने तिम्रो स्नान
सफा पार्दै युग युग जागिराख
बाग्मती तिमी सधैँ बगिराख

जीवनभर साथ रात र दिन
मरन पछि तिमीमै भष्म यो लीन
जोगाउछौँ हामी गन्तव्यमा लागिराख
बाग्मती तिमी सधैँ बगिराख

– क्यालिफोर्निया