ध्रुव सिलवाल – उसलाई भनेको
भैगो जिन्दगीलाई नभनौं
उसलाई बरु केही भनौं
असाध्ये कहिल्यै दिँदैनदे
परिश्रमको दुइ छाक खान दे ।
भोग बिलास त अन्धो न हो
ठूला साना दुवैका बीचको
थेग्नै नसक्ने भो दिँदै नदे
नग्न नहुने गरी छोप्न दे ।
कसलाई भन्दा के हुन्छ र
नहुनेलाई कसले छुन्छ र
अपकारीलाई दिँदैनदे
उपकारीलाई मात्र धान्न दे ।
जिन्दगी त कर्म हो न कमाई
अकाट्य यो नीतिको भनाई
अबुझक्कीलाई छुनै नदे
मर्मज्ञलाई बरु छान्न दे ।
लामो भन्छ जिन्दगी कर्महीन
भन्छ छोटो जिन्दगी मर्महीन र्
कर्म र मर्म नबुझाइनदे
त्यो मौका दुवैलाई बुझन दे ।
कमाई हो जिन्दगी अघिको र्
कर्म हो मीठो फल हो पछिको र्
कर्मविनाको जिन्दगी नदे र्
कर्मयोगी जिन्दगी रम्नदे ।
जिन्दगी त एउटा कमाई
कोही बाँच्छन् त्यसमै रमाई
स्वभाग नमान्नेलाई नदे
सम्झौता गर्नेलाई छान्न दे ।
(साभार: जनमत कविता खण्ड १ २०६४)