डा. मोहनप्रसाद जोशी — कहाँ छ ठाउँ, दोस्रो अटाऊँ ?
धेरै दिनदेखि याद साँचेँ
त्यसैको सहारा लिएर बाँचेँ
यादको गीत अब किन नबनाऊँ ?
बनाउनेबित्तिकै किन नगुन्गुनाऊँ ?
त्यै यादले बनाएछ एक मूर्त चित्र
जुन बसेछ आँखाको नानीभित्र
नजर अब किन अन्त घुमाऊँ ?
के छ र बाँकी हेर्न जाऊँ ?
तिमीले मलाई भरिदिएछौ
जीवनमा अर्थ ल्याईदिएछौ
यताउता अब किन खोज्न जाऊँ ?
कहाँ छ ठाउँ, दोस्रो अटाऊँ ?
(डा. मोहनप्रसाद जोशीको ‘कहाँ छ ठाउँ ‘ नामक कवितासङ्ग्रहमा समावेश भएको | डा. जोशीकै ‘कहाँ छ ठाउँ ‘ नामक गीति सङ्ग्रहमा पनि समावेश भएको | सङ्गीत: न्ह्यू बज्राचार्य, स्वर: रामकृष्ण ढकाल |)