गोपाल कवाली – नगरकोट को रिसोर्ट भित्र
नगरकोट को रिसोर्ट भित्र, बन्द सेसन पुरा गर्यौ
भोलि पल्ट टुंडिखेलमा, क्यापे क्यापे कुरा गर्यौ
सहमति नजिक थियो, केहि बुँदा माझ्नु थिए
एकाबिहानै ‘सोल्टी’ भित्र, झ्यापे झ्यापे कुरा गर्यौ
देस हाम्रो मुद्दा हाम्रा, उत्तर-दक्षिण किन सोध्नु
अनि साँझ ‘डिस्को थेक’ मा, र्यापे र्यापे कुरा गर्यौ
गणतन्त्र नया नेपाल, जहाँ यूवा कुर्लंदै छन्
त्यहि भिड भित्र पसी,ट्यापे ट्यापे कुरा गर्यौ
कति गम्भीर कति नाजुक,संबेदनको प्रश्न थियो
खेलाँचीमै उडाएर,आँपे आँपे कुरा गर्यौ!!!
अफगानिस्तान,२९/०१/२०१३